Ad Banner
Ad Banner
Ad Banner
Ad Banner

Britney Spears sërish në gjyq me babain, i kërkon të heq kujdestarinë

10:47 | 27 Mars 2021
Arditë Shkodra

Avokati i Britney Spears i ka kërkuar gjykatësit përgjegjës për çështjen e kujdestarisë që ta heqë babanë e saj, Jamie Spears, si kujdestarin ligjor të këngëtares.

Kërkesa ka ardhur në formë peticioni, të cilin avokati Samuel D. Ingham III e ka ngritur në Gjykatën e Lartë në Los Angeles.

Babai i Britneyt ka qenë kujdestar ligjor i 39-vjeçares dhe pronës së saj që nga viti 2008, ndërsa Jodi Montgomery ka pasur kujdestari të përkohshme ndaj këngëtares kur babai i saj u tërhoq nga pozita në shtator 2019 për arsye shëndetësore.

Siç transmeton CNN, avokati është bazuar në një vendim të vitit 2014, në të cilin thuhej se Britney Spears “nuk është në gjendje të japë pëlqimin për asnjë formë të trajtimit mjekësor”.

Kjo çështje është konsideruar si arsye e fortë që Montgomery të marrë përgjegjësinë e plotë mbi këngëtaren dhe pronën e saj.

 

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm